એક ઘટનાથી જીવનમાં પ્રતિકૂળ ઘટના પ્રત્યે કેવી રીતે ધૈર્ય રાખવું તે સમજીએ. એક છોકરી રડતી રડતી એમના પિતા પાસે ગઈ અને પિતાજીને કહ્યું – પાપા હું થાકી ગઈ છું. “જીવન એટલું અઘરું છે કે હું એક મુશ્કેલીનો સામનો કરું છું ત્યાં બીજી મુશ્કેલી આવીને ઉભી રહી જાય છે.હું આવી રીતે નહિ જીવી શકું!” પિતાજીને એની પૂરી વાત સાંભળી અને પછી તેનો હાથ પકડીને બેટીને રસોડામાં લઇ ગયા. પિતાજીને ત્રણ તપેલીમાં પાણી મૂક્યું અને પાણીને ગેસ પર ઉકળવા મૂક્યું. તમે શું કરો છો? દીકરીએ પૂછ્યું પણ પાપાએ જવાબ ન આપ્યો. પછી પાપા આલુ, ઈંડા અને કૉફી લઇ આવ્યા. બેટીએ ફરી ગુસ્સામાં પૂછ્યું પાપા આપ શું કરો છો? પાપાએ કોઈ જવાબ ના આપ્યો. એમને પહેલી તપેલીમાં આલુ નાખ્યા, બીજી તપેલીમાં ઈંડા નાખ્યા અને ત્રીજી તપેલીમાં કોફી નાખી. પિતાશ્રીએ થોડીવાર પછી ઈંડા અને આલુને ગેસ પરથી ઉતાર્યા, પ્લેટમાં મૂક્યા અને કૉફીને કપમાં નાખી.

પિતાજીએ બેટીને પૂછ્યું બેટા ! તને શું દેખાય છે? બેટી બોલી – આલુ, ઈંડા અને કૉફી. પાપાએ કહ્યું કે “આલુ, ઈંડા અને કૉફીને એક જેવી મુશ્કેલીનો સામનો કરવો પડ્યો. ત્રણેયને ઉકળતા પાણીમાં નાખ્યાં, આલુ પહેલા કઠોર અને મજબૂત હતાં, પણ પાણીએ તેને નરમ અને નિર્મળ બનાવી દીધાં. ઈંડા નાજૂક હતા પણ પાણીએ તેને કડ઼ક અને સખ્ત બનાવી દીધાં. પરંતુ કોફી નહિ બદલી પાણીથી, ઉલ્ટાનું કૉફીએ પાણીને બદલીને કંઈક અલગ જ બનાવી દીધું. પિતાએ બેટીને ફરીથી પૂછ્યું કે તું આમાંથી કોણ છે? આલુ, ઈંડા કે કૉફી ? જયારે જીવનમાં મુશ્કેલીઓ આવશે ત્યારે તું શું કરીશ? કમજોર બનીશ કે કઠોર કે ધૈર્યથી મુશ્કેલીઓને અવસરમાં બદલવાની કોશિશ કરીશ?